Ek koester my kleintyd herinneringe en onthou graag die kere toe my ma my gestuur het om met onbeholpe vingertjies pietersielie en basilie kruid te gaan pluk vir die slaai. Vanjaar is dit al 10 jaar terug toe my grootmens-hart die eerste keer geroer is deur kruie,  -laventel spesifiek! Ek kon van daardie dag nie ophou droom van `n laventel en roosmaryn land voor my plaashuis nie.

Na `n tydperk van navorsing, van wag, aankoop van plantmateriaal, van wag, `n besoek aan Frankryk, van wag,
`n skoonma wat my droom haar droom gemaak het, van wag, het dit wat eers net gedagtes was `n werklikheid geword.
In Januarie 2007 was ons laventel en roosmaryn gereed vir oes. Die plantmateriaal is geoes en so is ons eerste essensiële olie gedistilleer!

Ons het toe in samewerking met `n laboratorium in Johannesburg `n lyfsorg-reeks ontwikkel wat hoofsaaklik verryk is met ons organiese, landelik-gedistilleerde essensiële olies.

Saam met ons lyfsorg-reeks doen ons ook verskeie ander kruieprodukte vir die kombuis soos:

1. Gemengde kruie
2. Kruiesakkies
3. Kerse

Hierdie produkte vervaardig ons self met landelik verboude kruie.
 
Die volgende stap was, om te dink hoe om ons produkte te bemark.
Weens die eksklusiwiteit van ons olies is besluit om bemarking in Afrikaans te doen.

Die naam van die reeks is dan:
Ruah (`n Hebreeuse woord wat beteken – Asem van Lewe, Asem van God, dit wat jy nie met die fisiese oog kan sien nie maar geweldig bewus is van die uitwerking op jou menswees).

Ek is baie lief daarvoor om van Ruah te praat as vrou (eers natuurlik was sy pasgebore, `n piekvoet, toe `n tiener vol dinge en geite). Maar nou kan ek sê dat sy volwaardig vrou is – geplant langs `n stroom van lewende water, haar wortels is diep en sy draai so graag haar gesig na die son! Sy word bederf deur almal se entoesiasme, se ondersteuning, se heerlike glimlagte. Sy put haar inspirasie uit die tyd en plek waar sy is!

Ons wekroep: “koester jouself” is Ruah se kreet vir elke vrou, elke vriendin, elke ma, elke dogter! Ons kan tog te vinnig opgeslurp raak in die alledaagse gejaag na wind. Hier wil ons met elke woord wat jy raak lees op ons produkte vir jou weer rus-gee, vrede-gee, tyd-gee! Ruah glo dat Gees-geïnspireerde woorde die krag het om gedagtes te verander en gedagtes verander dade!

– hierdie vlugtige olie het geen bekendstelling nodig nie. Dit word vir eeue gebruik as `n ontspanningsmiddel.
Dit is terselfdertyd kalmerend en stimulerend afhangende van jou lyf se behoefte.
 
Hier op Kasselhoft Landgoed plant ons 3 variteite:

1.  Lavendula x intermedia “Abrialie”
2.  Lavendula x intermedia “Grosso”
3.  Lavendula Angustifolia   “Herchem blue”

– het `n wonderlike groen blomgeur wat tesaam kalmerend en opwekkend is.

Dit het `n balanserende effek op die vel en kan daarom werk vir alle vel tipes. Ons gebruik dit dan graag in ons produkte vir die soet blomgeur en reinigings-eienskappe. Dit word ook gebruik vir die behandeling van  selluliet en ekseem.

– ons moet verklap dat laventel ons eerste liefde was maar dat roosmaryn ons harte gesteel het! Kasselhoft se
Roosmaryne doen besonders goed – ek dink die kombinasie van klimaat en grondsoort doen wondere vir ons plante. Ons spot ook om te sê dat ons graag die Noordwes eersdaags wil sien geplant staan met roosmaryn in plaas van mielies en sonneblom! Die essensiële olie van roosmaryn het die volgende eienskappe:

1. Uitstaande insekdoder
2. Dit is `n antiseptiese middel wat steeds vandag gebruik word vir  die smeer van wonde en skrape.
3. Anti-inflammatoriese middel wat gebruik word vir artritis en kroniese pyn.
4. Dit help vir sirkulasie probleme en bloeddruk
5. Dit stimuleer haargroei, help vir skilfers en ander kopvel probleme.
6. Daar word huidig studies gedoen op Roosmaryn wat help met die verbetering van geheue en konsentrasie vermoë (dus `n behandelingsmiddel vir “Altzheimer's Disease”)

Ons gebruik stoom-distillasie om olies uit die plante te kry.
Dit werk basies op die volgende manier:

• Plantmateriaal word goed vasgedruk in `n stoomdistillasie pot.
• Stoom word gegenereer en teen `n sekere druk en temperatuur deur die plantmateriaal gestoot. Die proses duur sowat 15 tot 20 minute per 4kg plantmateriaal.
• Die stoom word dan in die verkoelingselement afgekoel.
• Kondensasie vind plaas en die vloeistof word opgevang in `n pipet.
• Hierdie vloeistof bestaan dan uit die olie en gegeurde water of die “Hydrosol”.
• Die olie word dan van die water geskei.
• Van sowat 4kg plant materiaal kry ons 25ml olie.
• Hierdie olie moet gestoor word in `n digte, koel en donker plek.
• Omrede al die chemiese verbindings baie nuut is, is daar `n volwasse-wordingsproses betrokke wat ongeveer 15 tot 20 dae duur. Dit is dan wanneer jou olie se kwaliteit op sy beste is.