skip to Main Content

Ons Kruie

Lavendula

Lavandula X Intermedia

  • Dit het baie kalmerende eienskappe
  • Help vir slapeloosheid
  • Lavandula het teen virale eienskappe
  • Bevorder selgroei
  • Help vir brandwonde en verlig sonbrand
  • Dit verlig hartkloppings en sinus – sit ’n paar druppels suiwer Lavandula olie op ’n snesie en asem dit in

GEMENG MET BOTANIESE GEURE:
WILDEVY EN SUURLEMOEN

Roosmaryn

Rosmarinus Officinalis

Roosmaryn is ’n immergroen struik waarvan die olie ’n vars en meer delikate kanfergeur bied. Voordele van die olie is dat dit konsentrasie bevorder en sommige studies wys selfs dat dit breinveroudering teenwerk.

  • Dit is ’n stimulerende invryf middel vir artritis
  • Word gebruik as ’n haartonikum wat groei aanwakker en kleur herstel
  • Verhoog bloedvloei na bepaalde area
  • Anti-inflammatories
  • Pynstillend
  • Insekwerend

GEMENG MET BOTANIESE GEURE: AKASIA

Roosmalva

Pelargonium Graveolens

Roosmalva bied verligting vir senupyn en is ʼn wonderlike velsorgmiddel, doeltreffend vir alle veltipes. Die olie het ʼn besonderse blomgeur met ʼn kalmerende effek.

  • Dit help om die liggaam van gifstowwe te reinig
  • Bied verligting vir senupyn
  • Gee jou bloedsomloop ’n hupstoot
  • Balanseer vetterige afskeiding van die vel
  • Hou die vel soepel
  • Dit is ’n goeie reiniger en verlewendig bleek vel

GEMENG MET BOTANIESE GEURE:
BERGAMOT EN TIEMIE

Essensiële olies

Ruah het met hierdie drie essensiële olies drie besonderse reuk-ervarings geskep:

Lavandula, wildevy en suurlemoen

Hierdie unieke reeks beweeg effens weg van die tradisionele kombinasie van Lavandula met blomgeure. Groen vye blare wat kraak tussen jou vingers en die sproei van ’n vars uitgedrukte suurlemoen ontlok herinneringe van ʼn ongekompliseerde “plaaslewe”. Lavandula daarby gevoeg bied dan die rustige element wat die prentjie voltooi.

Roosmaryn en akasia

Man en vrou sal aanklank vind by hierdie vars en skoon geur. Hiermee bring Ruah hulde aan haar direkte omgewing waar baie verskillende spesies akasiabome groei. Eenkeer per jaar, net na die somer reën, word die bos besprinkel met geel akasia klokkies wat ’n heerlike sagte soet geur versprei. Akasia gemeng met Roosmaryn sal jou verras en jou ontvoer na ’n plek waar Afrika se sonsak jou gaan bederf.

Roosmalva, bergamot en tiemie

Hierdie is die sagste van die drie geure en dit is veral die Roosmalva se kombinasie van sitrus- en roosgeure wat ʼn sagte, warm aroma bied. Ruah het hierdie roosgeur gekomplimenteer met tone van bergamot en tiemie sodat jou lyf soetkens bederf kan word.

Die wetenskap

Essensiële olies stimuleer jou reuksintuig – ʼn baie kragtige sintuig wat verbind is aan die limbiese stelsel van die brein. Hier word emosies, geheue en verskeie liggaamsfunksies beheer. Geur het dus ʼn groot invloed op hoe ʼn mens voel en essensiële olies word al sedert antieke tye terapeuties gebruik.

Die komplekse mengsels van natuurlike aromatiese komponente wat aan plantmateriaal onttrek word, verleen aan ons essensiële olies verskeie genesende eienskappe. Om voordeel te trek uit die olies, moet dit van natuurlike, organiese plantmateriaal gemaak word en by Ruah, waar gehalte hoog op prys gestel word, word alle produkte sorgsaam met landelik verboude kruie vervaardig.

Met essensiële olies in die hand en in samewerking met ’n laboratorium in Johannesburg het Trudi en haar span ’n lyfsorg-reeks ontwikkel wat hoofsaaklik verryk is met ons organiese, landelik- gedistilleerde essensiële olies. Die formules is paraben en alluminium vry.

Stoomdistillasie is die gewildste metode om essensiële olies te onttrek. Die proses word as volg toegepas:

  • Plantmateriaal word goed in `ʼn stoomdistillasiepot vasgedruk.
  • Stoom word gegenereer en teen `ʼn sekere druk en temperatuur deur die plantmateriaal gestoot. Die proses duur sowat 15 tot 20 minute per 4kg plantmateriaal.
  • Die stoom word dan in die verkoelingselement afgekoel.
  • Kondensasie vind plaas en die vloeistof word in ʼn pipet opgevang.
  • Hierdie vloeistof bestaan uit die olie en gegeurde water of die “Hydrosol”.
  • Die olie word vervolgens van die water geskei.
  • Sowat 4kg plant materiaal lewer 25ml essensiële olie.
  • Hierdie olie word in ʼn digte, koel en donker plek gestoor.
  • Omdat al die chemiese verbindings baie nuut is, volg daar ʼn rypwordingsproses van ongeveer 15 tot 20 dae. Dan is die kwaliteit van die olie op sy beste.

my vingers skryf ’n gedig van ’n leeftyd saam met jou oor jou in jou om jou
soos ek genade skep uit hierdie pot
smelt die ek-wees en verrys die jou-wees binne my

Teken aan vir ons nuusbrief, vir spesiale aanbiedinge, nuwe produkte en so meer!

Ruah belofte:

Produkte word nie op diere getoets nie.
Kruieboere met integriteit!

Kopiereg © 2019 | Alle regte voorbehou | Logo en webblad deur Brood en Botter.

Back To Top