skip to Main Content

ONS STORIE

Die verhaal van Ruah begin met die eerste lavandula (laventel)- en roosmarynoes wat vroeg in 2007 ryp op die lande van Kasselhoft Landgoed staan. Dit is die verwesenliking van ’n jare lange droom. Om kruie, wat op eie bodem verbou is, te distilleer tot essensiële olies eie aan Suid-Afrika. En so, met die eerste olie wat uit die stoomdistilleerder drup, is Ruah meer as 12 jaar gelede in die hartjie van die Noordwes provinsie in die lewe geroep. Dit is ʼn droom gebore in die hart van Trudi en Rina Kasselman. ʼn Droom gekoester en gegroei tot ʼn suksesvolle en uiters gewilde reeks lyfsorg- en kruieprodukte.

Ruah beteken asem en vir baie kliënte wat al met die Ruah produkte vertroud geraak het bied die bekende drie-kruiereeks ʼn lafenis, asemskep en koestering. Die lavandula en roosmaryn word op Kasselhoft Landgoed self verbou en twee keer per jaar geoes. Die hele roosmarynplant word gebruik om olie te vervaardig, terwyl net die blom van die lavandula gedistilleer word tot die baie veelsydige en gewilde lavandula olie. Roosmalva olie word aangekoop by ander kruieboere in Suid-Afrika en op die manier ondersteun ons ook ander kruie liefhebbers en word daar verseker dat olies plaaslik verbou en natuurlik geekstraheer word.

RUAH BELOFTE

Produkte word nie op diere getoets nie.
Kruieboere met integriteit!

DIE RUAH SPAN

“Vir my is Ruah ʼn vrou (eers natuurlik was sy pasgebore, ʼn pienkvoet, toe ʼn tiener vol dinge en geite). Maar nou is sy volwaardig vrou – geplant langs ʼn stroom van lewende water, haar wortels diep en haar gesig verkieslik na die son gedraai! Sy blom waar sy geplant word! Sy word bederf deur almal se entoesiasme, se ondersteuning, se heerlike glimlagte. Sy put haar inspirasie uit die tyd en plek waar sy is!

Ons wekroep: “Wees gekoester” is Ruah se kreet vir elke vrou, elke vriendin, elke ma, elke dogter! Ons kan tog te vinnig opgeslurp raak in die alledaagse gejaag na wind. Hier wil ons met elke woord wat jy op ons produkte raak lees vir jou weer rus gee, vrede gee, tyd gee! Ruah glo dat Gees-geïnspireerde woorde die krag het om gedagtes te verander. Gedagtes bepaal ons dade en dade bepaal ons toekoms. Mag jou toekoms, liewe Ruah vriendin, voor jou uitstrek met vreugde, geur en reikhalsende verwagting.” – Trudi Kasselman.

ONTMOET DIE RUAH SPAN

Rina Kasselman

Plaaswinkel & Fabriek Bestuurder

Beskikbaar van 8uur tot 5uur
Sel: 084 665 4124
Epos: fabriek@ruah.co.za

Trudi Kasselman

Produk Ontwikkeling & Bemarking

Beskikbaar van 8uur tot 12uur die oggend
Sel: 071 874 6524
Epos: info@ruah.co.za

Francina Jacobs

Persoonlike Assistent

Beskikbaar van 8uur tot 1uur
Tel: 060 528 4525
Epos: hulp@ruah.co.za

Soos dit nie anders kan bot ’n boom op die werf
dit is asof sy takke wind-wuif na die oorvloed wat kom

Wetend ontluik ’n bloeisel afwagtend om te vrug
om die somer stroopsoet te groet